Kasi Pasukan Na Naman

Na-enjoy mo ba 'tong mga nakalipas na buwan na nababawasan ng konti 'yung oras ng byahe mo sa umaga at uwian? Masaya ka ba na sa dalawang buwan na nagdaan ay nabawasan ang mga normal na traffic point ng dinadaanan mo? Pwes, tapos nang lahat ng 'yan dahil Hunyo nang muli, at isa lang ang ibig sabihin nyan sa nakalipas na ilang dekada: Pasukan na naman!

Good morning everyday nanaman!
image from http://wn.com

Bukas babalik na sa mga silid-aralan ang mga tsikiting na nag-enjoy din naman sa kawalan ng pasok, sa mga bakasyon sa beach, swimming pool, parke at iba pa, ,at nagsaya din sa paglalaro sa labas buong araw -- este, pagharap sa computer, tablet o cellphone buong araw. First wave palang yan, at sa mga darating na lunes ay padagdag na ng padagdag ang mga commuter na makakasabay natin sa kalsada dahil isa isa na ring nagkakaroon ng pasok ang mga eskwelahan at pamantasan. Syempre, mas maraming tao sa daan, mas maraming trapik.

Halos lahat naman tayo'y malapit nang magsawa sa mga araw araw na kaganapan na nagdadala ng trapik sa dinadaanan natin: mga bus, jeep, FX, taxi, traysikel, motorsiklo, siklista, barker, traffic enforcer, drayber at pasahero. Nakita na nating lahat 'yan at nasisi na natin ang lahat ng dapat sisihin sa mga pangyayaring yaon. Pero bakit nga ba hindi nalang natin tirahin 'yung issue mula sa ugat nito?

Karamihan sati'y sasabihing "wala kasing disiplina e," kapag nakakakita ng mga kapulpulan sa daan, pero naisip na ba natin na walang panggagalingan ang disiplina kung hinid kaalaman? "Common sense is not so common," ika nga. So bakit di nating gawing common ang common sense?

Tutal naman kakapalit lang natin ng basic education structure ng bansa (K+12), bakit hindi pa natin isaksak sa curriculum ng Elementary ang Basic Rules of The Road? Di naman kaya'y isingit natin sa syllabus ng bawat baitang ng Sibika at Kultura (meron pa ba nito?) ang usapin tungkol sa tamang paggamit ng kalsada? Sa paningin ko, kaakibat na ng "Sibika" ang pag gamit ng kalsada sa panahong ito, at sa nakalipas na isang siglo na rin naman.

E bakit ba, may butas e!
image from http://hoy-unggoy.blogspot.com

Palibhasa'y palagay natin simpleng simple ang mga nakalagay na senyas sa mga kalsada natin: "Walang Tawiran, Nakamamatay", subalit ang hindi natin naiisip, ay kung bakit hindi ito sinusunod ng mga tao. Halimbawa, sa mga tawiran sa kanto, bakit kahit berde ang ilaw ng isang lane ng mga sasakyan ay may tumatawid? Kadalasa'y tinatawag lang nating tigas ng ulo ang mga gawaing ganito, pero 'di kaya kaya nila ito nilalabag ay hindi nila alintana ang dahilan kung bakit ito kailangang sundin, bukod pa sa basic na "masasagasaan ka kasi"?

Marahil mas makakabuti din kung sa kalagitnaan ng pag-a-aral ng isang tao'y matuto din syang  magpatakbo ng sasakyan sa kalsada, para naman ma-experience ng lahat ang lahat ng aspeto ng paggamit ng kalsada. Siguro kung ganito ang mangyari, mababawasan ang mga aksidente sa mga kalsada natin.

Para alam natin 'yung side ng drayber, at side ng pedestrian
image from http://usatoday.net

Palagay ko nama'y mas mainam na umpisahan natin ang edukasyon sa paggamit ng kalsada sa pagkamusmos ng isang tao, kesa ituro ito sa teen years n'ya kung saan may mga balakid na sa pang-unawa, katulad ng mga kasanayan na. Bakit ako makikinig sa'yo ngayon kung nagawa ko ito buong buhay ko nang hindi ako namamatay?

Pag-gamit nga ng kompyuter itinuturo natin sa mga bata, bakit 'yung simple at araw-araw nating ginagamit na kalsada, hindi natin maituro ang pag-gamit?

--

Di ka pa ba nagsasawa sa trapik?
Wag kalimutang i-follow kami sa twitter: http://twitter.com/BakitTrapik
at i-like ang Facebook page: http://facebook.com/bakittrapik
pagusapan natin, dahil kung sama sama tayo sa isang layunin, kakayanin natin!

Kasi May Ginagawang Kalsada

Eto na. Finally, matapos ang ilang dekadang paghihintay, ma-a-upgrade nang muli ang mga kalsada ng Metro Manila sa isang malaking paraan! Kaya lang may kasama 'tong problema, na wala tayong magagawa kundi tiisin. Yan ang trapik.

image from skyscrapercity.com / user metalblock

Pero diba, sanay naman na tayo sa araw-araw na bigat ng daloy ng trapik pag bumabyahe tayo papasok at pauwi? Di nga ba't kalkulado na nga natin iyong oras na kailangan natin para makarating sa pupuntahan natin nang hindi nale-late, at alam din natin iyong oras na kapag umalis tayo, ay siguradong late na tayo? Babaguhin nating lahat yan pansamantala, upang pagbigyan ang pagbabago.

image from philstar.com

Ito ang panukala: isang multi-level na elevated road, mas kilala sa tawag na Skyway Phase 3, na magdurugtong sa North Luzon Expressway at South Luzon Expressway. Ang Skyway ay isa sa mga pinakamalaki at pinaka-kumain ng oras na proyekto ng pamahalaan upang makatulong sa daloy ng trapiko. Sinimulan itong gawin kalagitnaan ng 1990s at nagbukas sa publiko ang mga unang exit nito (Buendia, Amorsolo, Magallanes) noong 1997, ang Don Bosco Ramp noong 2002, ang NAIA3 Ramp noong 2010, at ang mga exit para sa Alabang at Sucat noong 2011. Sa pagitan ng mga taong ginagawa ang mga ito, kakaibang daloy ng trapik ang naranasan ng mga dumadaan sa South Luzon Expressway (SLEX), subalit nang natapos an ang lahat, ginhawang byahe na ang nararanasan sa katimugang bahagi ng Metro Manila. Di nga ba't para makarating ka ng Makati galing ng Alabang ngayon ay kailangan mo lang ng 15 minutos? At syempre, mga P180.

Bukod pa sa Skyway Phase 3 na inaasahang matapos at magbukas bago ang katapusan ng panunungkulan ng Pangulong Aquino sa 2016, ilang malalaking infrastructure project pa ang sisimulang gawin ngayong taon, na may kaparehong target operational date. Ang mga ito ay tangkang sagutin ang ilan sa mga intersection na malaking problema sa araw araw. Ilan sa mga susunod na uumpisahan ay ang:

Gil Puyat-Makati Avenue-Paseo de Roxas Underpass
4 Lanes na underpass sa kalagitnaan ng Buendia (Senator Gil J. Puyat Ave) na magsisimula bago ang kanto ng Paseo De Roxas (Kung galing ng EDSA) at aangat muli paglampas sa kanto ng Makati Avenue, upang i-bypass ang mga traffic light sa magugulong kantong ito.

image from pasay.gov.ph

EDSA-Taft Avenue flyover
Isang flyover na matagal nang kailangan. Kadalasan, kung may pupuntahan ka sa bahagi ng Pasay, iiwasan mo na ang pagdaan sa kanto ng EDSA at Taft Avenue, dahil siguradong habang nasa Makati ka pa lamang, hihinto na ang traffic sa Ayala Avenue Tunnel, lalo na kung rush hour. Ang flyover na ito ay layong maiwasan na ang pakikisabay sa magulong kantong ito na babaan at sakayan ng mga pasahero sa lahat ng sasakyan (Jeep, Bus, Taxi, Pedicab, MRT, LRT).

image from inquirer.net

Espana Avenue-Lacson Avenue interchange
Sa ikagiginhawa ng ating mga estudyanteng nag-a-aral sa university belt sa Maynila tuwing umaga. Ang flyover na ito ay itatayo sa kahabaan ng Arsenio H. Lacson Avenue (Gov. Forbes) upang tawirin ang Espana Avenue. Layon nito na hindi na pahintuin sa kanto ang mga container truck na dumadaan sa Lacson (ang Lacson o Forbes ave ay bahagi ng Truck Route na humahantong sa Manila North Harbor), na nagiging sanhi ng trapiko kadalasan.

EDSA-Roosevelt Interchange
Upang maibsan ang problema ng mga taga Norte sa umaga na dala ng paghinto ng mga pampublikong sasakyan sa Munoz, isang flyover ang itatayo sa kahabaan ng EDSA. Tatawirin nito ang panulukan ng Congressional Avenue, Roosevelt Avenue, at EDSA.

image from smdiconsultants.com

EDSA-West Avenue-North Avenue interchange
Isa ito sa mga mas-komplikadong proyekto sa mga gagawin sa mga susunod na taon. Layon nitong tanggalin ang suliranin ng pagdaan sa dalawang dambuhalang mall, tatlong nagsasangang kalsada, at isang malaking istasyon ng tren (na sisimulan din kasabay nito) sa nagiisang panulukan. Itatayo ang isang deretsong flyover sa magkabilang panig ng EDSA (tawagin natin itong bypass). Sa ibabaw ng bypass, itatayo naman ang isang flyover na tatawid mula sa North Avenue patungo sa West Avenue, at katabi nito ay isang flyover mula sa EDSA Southbound patungo ng North Avenue. Bonus pa dito ang isang left-turn flyover mula sa North Avenue patungong Mindanao Avenue para maiwasan na ang paghinnto sa traffic light dito.***

image from urbanrail.net

Ilan pa lamang 'yan sa mga sisimulang upgrade sa mga kalsada natin sa kalakhang Maynila. Kasabay nyan ay ang pagpapalawig ng mga sistema ng tren patungo sa mas malayo pang maabot nito, tulad ng LRT 1 na pahahabain hanggang sa Cavite, at ang LRT 2 na pahahabain patungo sa Masinag sa Cainta. Dagdag pa rito ang paggawa sa common terminal ng LRT1 at MRT3 sa EDSA North Avenue Station, matapos ang ilang taong pagkakadugtong ng dalawang sistema ng tren.

image from papillon-imaging.blogspot.com

Hindi naman na tayo bago sa pagtitiis sa trapiko, at lalaong hindi tayo dapat matakot ngayon. Mantakin nyo na lang, ginawa ang dalawang underpass sa kahabaan ng Quezon Avenue sa Quezon City na isa sa mga pinakamagulong lansangan sa Metro Manila, ang LRT2 sa Aurora Boulevard na napaka-kipot, at ang MRT3 sa EDSA, na siya na yatang pinaka-busy na kalsada sa buong bansa. Lahat ng ito'y natutunan nating sabayan nang ginagawa ang mga ito, at talaga namang pinakikinabangan nating lahat mula nang matapos.

Huwag sana tayong madala sa mga headline ng mga balita at pangunahan ng takot. Makaka-adjust din tayo, at sa huli, laging isaisip na ang lahat ng ito'y para din naman sa ikagiginhawa nating lahat.

Sana nga lang naumpisahan ng mas maaga, pero ano nga ba naman ang magagawa natin sa red tape? Kung 'yun ngang sticker ng rehistro ng sasakyan natin nung 2013 wala pa hanggang ngayong 2014 na e, infrastructure pa kaya? (wink wink)

*** Ang impormasyong ito ay mula sa Japan International Cooperation Agency batay sa isang report noong 2008. Walang mahanap ang manunulat na iba pang impormasyon para sa proyektong ito sa oras ng pagsulat ng akdang ito.

--

Di ka pa ba nagsasawa sa trapik?
Wag kalimutang i-follow kami sa twitter: http://twitter.com/BakitTrapik
at i-like ang Facebook page: http://facebook.com/bakittrapik
pagusapan natin, dahil kung sama sama tayo sa isang layunin, kakayanin natin!

Dahil Sa Parking

image from cfablog.org

May kaibigan akong nagsabi sakin na napaka-arte ko pagdating sa pagpili ng pupuntahan. Una sa lahat, ayaw na ayaw kong pumupunta sa mga mall, dahil bukod sa dami ng tao, ingay, at kawalan ng katuturan ng pagpunta kung wala namang kailangan, ayaw kong nagpaparada ng sasakyan, o maghanap ng lugar para pagparadahan. Oo, pwede namang hindi nalang magdala ng sasakyan, pero pumupunta ako sa mall kapag may kailangan akong bilhin, o hanapin. Sa pangkalahatan, kung makikipagkita lang naman ako sa isang tao, mas pipiliin ko nang sa mga establisimentong walang problema sa paradahan ako pumunta.

Ilang minuto din ang nawawala sa buhay natin habang naghahanap ng parking, tulad na din ng pa-iritang sambit ng aking kaibigan kamakailan nang naghahanap kami ng paradahan sa kahabaan ng Malingap street sa Teacher's Village. Tama s'ya, at bukod pa sa paghihintay, nakapagdulot din ako ng kaunting pila ng sasakyan sa likuran ko habang naka-hazard at pa-gapang na naghahanap ng paparadahan.

Kadalasang nagaganap ang mga ganitong tagpo sa mga lugar na puno ng mga kainan; ilan sa mga tukoy nang lugar na may ganitong sitwasyon madalas ay ang kahabaan ng Timog Avenue at Tomas Morato Avenue sa Quezon City, Kasama na din ang Maginhawa, Malingap, Matalino, sampu ng mga sangang kalsada sa loob ng Teacher's Village, ang Katipunan Avenue at Xavierville Avenue, ang hilera ng mga kainan sa loob ng BF Homes sa Paranaque, halos lahat ng kalsada sa bahagi ng Binondo at Sta Cruz sa Maynila kasama na din ang Quiapo, ang kumpol ng mga kainan sa Barangay Kapitolyo sa Pasig, at ilan pang puntahan ng mga tao upang kumain o mag-aliw.

Kung papansinin, karamihan ng mga lugar na ito'y maliliit na secondary road lamang, na di lalampas sa dalawang lane ang magkabilang panig. Katambal pa nito'y ang kakulangan sa sidewalk at road easement, o iyong espasyo sa pagitan ng gutter ng kalsada at ng pribadong istruktura. Ang road easement ay bahagi ng pag-a-ari ng gobyerno ng Pilipinas sa pamamagitan ng lokal na pamahalaan, subalit kadalasan, o halos sa lahat ng panahon, ay inaangkin ito ng mga may-ari ng establisimentong natatapatan nito.

Amin to ha. | image from http://d0ctrine.wordpress.com

Gamitin na lamang nating halimbawa ang mga negosyo sa kahabaan ng Ongpin Street sa Maynila. Madalas ay mahirap pumarada sa lugar na ito pagkat karamihan ng mag may ari ng mga tindahan dito'y inaangkin ang paradahan sa tapat nila. Hindi na bagong makarinig ng "naka-reserve po sa may-ari ito e" mula sa mga tauhan ng mga tindahan kung saang tapat mo sana gustong pumarada. Dulot ng ilang segundong usapan mula sa nagmamaneho at sa taong ito ay isang pila sa likuran nila na maaring umabot kung saan pa, depende sa pakikipagmatigasan ng parehong partido, at kung sinong unang bibigay.

Sinubukan itong solusyonan ng pamahalaan ng lungsod ng Maynila sa pamamagitan ng paglalagay ng mga Parking Meter, tulad ng mga ginagamit sa ibang bansa, kung saan magbabayad ka ng pa-una para sa ilang minutong palugit ng pagparada sa isang lugar. Magandang adhika, kung sino man ang tanungin, subalit sumablay ito nang lumabas na nangangailangan kang bumili ng Parking Card, o isang prepaid card na gagamitin mo para makapagbayad sa Parking Meter. Defeats the purpose, ika nga, sapagkat ang mga Parking Card na ito'y kailangan mong bilhin mula sa City Hall ng Maynila, at sa ilang pagkakataong napadpad ako sa Binondo ay wala parin akong nakitang tao na nagbebenta ng mag Parking Card na ito.

/Update (15 Mar 2014): 
Nakapagpark na ko sa China Town gamit ang mga parking meter na ito. May mga parking attendant naman pala na nagbebenta ng parking card na halagang P100.00, na may laman nang kaparehong halaga. Tinanong ko 'yung nagbenta sakin, "Pano pag naubos yung load?" sagot nya "Tatawag lang namin yan ser." Ok na din. Ang masaya dito, mas malalaking halaga na ang ibibigay mo sa mga parking attendant ngayon kaysa sa dati na bente lang ang parada, walang resibo. Pero ok parin naman ang sistemang ito.

Pwede ka magpark dito, pero punta ka muna City Hall para bumili ng card. | image from gmanews.tv

Kabaligtaran naman nito'y may isang bansa, este lungsod sa kalkhang Maynila ang nakapagpatupad ng isang maayos na iskema upang lutasin ang suliranin nila sa Parking.

Ang lungsod ng Makati ay may mga ordinansang nagtatalaga ng Parking Slots para sa mga sasakyan na bumibisita sa kanilang Central Business District. Namamahala dito ang mga Parking Maid ng MAPSA (Makati Public Safety Administration; feel free to correct me on this), at kilala ang ahensyang ito ng lungsod bilang isa sa mga pinaka walang-takot at pinaka-istriktong lupon ng mga Traffic and Parking agents. Maari nating i-contest ang katotohanan sa likod ng paniniwalang iyon, subalit hindi ito ang nararapat na panahon.

Simple lang ang patakaran ng pagparada sa lungsod ng Makati, sa loob ng CBD: may takdang dami ng oras ka lamang maaring magtagal, para sa sa ilampung piso, at hindi ka maaring pumarada sa pagitan ng mga oras ng rush hour (5-9 AM, 5-7PM). Anumang paglabag dito'y may karampatang parusa -- hahatakin ng tow truck ang iyong sasakyan at matatagpuan mo na ito sa impound lot ng Makati (Sa huli kong pagkakaalam ay sa may tapat ito ng Makati Medical Center, sa tanggapan ng MTPB) kung saan magbabayad ka ng multa upang mabawi ang iyong sasakyan. Pero siempre, marami parin ang lumalapastangan sa mga patakarang ito, kasi nga, lahat tayo ay ispesyal.

Maliwanag? | image from http://life-in-makati.blogspot.com

Kakalipas lamang ng kapaskuhan, at lingit sa pansin nati'y karamihan ng gulo sa trapiko sa mga kalsada ng kalakhang Maynila noong panahong iyon ay dahil sa mga parking lot - lumalabas man o pumipila papasok. Ilang araw bago ang pasko, nakasaksi ako ng isang mahabang pila ng mga sasakyang nakapila papasok ng Trinoma sa Quezon City, na ang dulo'y umabot na sa northbound lane ng EDSA, na nagdulot ng mabigat na pagdaloy ng trapiko sa lugar. Hindi naman natin ito maiiwasan, siempre, lalo na't panahon ito ng pagpunta sa Mall.

Nauuso na din ngayon ang mga District Center, o mga maliliit na open mall, na puno ng mga kainan at pailan-ilang pamilihan ng mga damit o ano pa. Isa sa mga pinakabagong lugar tulad nito ay ang UP Town Center na nasa kahabaan ng Katipunan Avenue, bahagi ng C5. Ang dating tahimik na paakyat na kalsada papasok ng Balara'y nakasasaksi na ngayon ng matinding pagsisikip ng trapiko dahil lamang sa iilang taong special. "Hindi naman ako magtatagal," sambit ng mga ito sa gwardyang nais siyang paalisin at palipatin sa paradahan. Bakit nga naman ba ako magbabayad ng ilampung piso para pumarada ng sampu, dalawampung minuto? Ulitin pa ito ng ilang beses at mayroon ka nang dalawang lane na punong puno ng mga sasakyan na naka-hazard. Bukod pa diyan, mukhang hindi sapat ang laki ng paradahan ng naturang lugar sapagkat minsa'y naaabutan kong nakaparada ang mga sasakyan sa kahabaan ng kalsada, hanggang sa may tapat ng UPIS, kadalasan sa gabi.

image from http://foreclosurephilippines.com

So bakit may ganitong suliranin ang kalakhang Maynila? Simple lang naman ang sagot diyan: Walang foresight. Ang kalakhang Maynila, sa paglipas ng mga nakaraang dekada, ay hindi pinaghandaan ang pagdami ng mga pribadong sasakyan na lilibot dito. Bakas ito sa mga kalsadang maliit, na kadalasa'y wala pang bangketa. Sa huli kong pagkakaalam ay dapat na mayroong dalawang metro (2 meters) na easement ang lahat ng istrukturang itatayo mula sa gutter ng kalsada upang magsilbing bangketa, at makeshift Parking kung kinakailangan. Natupad naman ito sa kahabaan ng Tomas Morato at Timog sa Quezon City, at hindi ba't pinaglaanan pa nga ng pamahalaang panlungsod ang pagpapaganda ng mga ito? Subalit hindi parin sapat ang paradahan para sa ilan libong sasakyang nasa lugar na iyon sa bawat sandali.

Maraming maaaring maging solusyon sa suliranin ng Parking sa Metro Manila, at dahil konektado ang mga sumusunod:

1. Sweldo
2. Presyo ng Gasolina
3. Red Tape
4. Presyo ng Lupa
5. Kagustuhan ng Gobyerno
6. Kagustuhan ng Tao
7. Presyo ng Kuryente
8. Presyo ng Sasakyan
9. Kabuuang ekonomiya

mahihirapan tayong makahanap ng mutually acceptable na solusyon para sa lahat ng stake holder. Ang solusyon ba ay makatutulong sa pagganda ng daloy ng trapiko? Ang halaga ba ng parking fee ay pasok sa budget ng ordinaryong mamamayan? Magkano ang lupa, at mababawi ba ng kapitalista ang iginugol nya para sa lupang ito? Magkano ang kuryente na gagamitin upang pailawan ang parking lot na ito? Ilang tao ang magpapatakbo at magbabantay nito at magkano ang suswelduhin nila? Marami pang tanong, at habang dumadami ang nasasagot, dumadami ang nadadagdag na tanong.

So anong gagawin natin para makatulong?

Madali lang 'yan. Akala mo lang hindi. | image from http://artformanliness.com

1. Matuto kang magpark ng maayos. Basic na itinuturo kahit sa pinakapulpol na driving school ang parallel parking. Hindi tamang marinig sa isang lisensyadong nagmamaneho na "di ako marunong magpark" o "hindi ko kaya magpark ng ganito e". Kung hindi kayang magparallel park, lisanin ang lugar at maghanap ng parking na angkop sa kakayanan.

2. Magpark ng mabilis. Alam kong mahal ang sasakyan mo, pero dahil sasakyan mo yan, responsibilidad mong malaman ang mga hangganan at kakayanan ng sasakyan mo. Kung limang beses mo nang sinubukang magpark at hindi mo magawa, lisanin ang parking lot, iuwi ang sasakyan, at mamasahe pabalik sa pupuntahan.

3. Kung walang parking, umalis na agad, o di naman kaya'y humanap ng lugar na hindi ka makaiistorbo sa daloy ng trapik upang mag-hazard at maghintay.

Kung pati pagkuha ng parking ticket ini-instagram mo, umalis sa parking lot, magbayad, at pumunta sa ospital. Maghanap ng psychiatrist upang malunasan ang sakit. | image from http://thenorthernecho.uk

4. Wag magtagal sa mga ticket dispenser. Simple lang naman yan kadalasan: pipindot ka ng buton at makukuha mo ang parking ticket. Alis agad. Minsann nama'y may taga bigay ng parking ticket; pagkakuha nito, alis agad. Mamaya mo na isipin kung saan mo ilalagay yung parking ticket dahil may naghihintay sa likod mo. Kung bayad-agad ang gusto ng parking lot, wag mamulot ng barya sa baryahan mo at magbilang ng P45.00 na gawa sa piso. Magbibilang ka, magbibilang din yung parking attendant.

As a general rule, bakit hindi nalang natin laging isaisip ang mga kapwa nating gumagamit ng mga pampublikong lugar? Ayaw nating maantala, kaya't wag tayong gumawa ng dahilan upang makaantala. Isa ito sa mga koda ng basic human decency. At kung hindi naman ito maiiwasan, nakakalubag na din ng loob sa mga naatrasong drayber ang simpleng paghingi ng paumanhin sa pagpapahintay. (kaunting busina, kamay na paumanhin, o pagbulong ng "sorry" na nakikita sa paggalaw ng labi)

--

Di ka pa ba nagsasawa sa trapik?
Wag kalimutang i-follow kami sa twitter: http://twitter.com/BakitTrapik
at i-like ang Facebook page: http://facebook.com/bakittrapik
pagusapan natin, dahil kung sama sama tayo sa isang layunin, kakayanin natin!

Kasi Magpapasko Na

image from prinsezha.buzznet.com

Pasko nanaman, o kay tulin ng araw
Paskong nagdaan tila ba kaung kailan lang
Ngayon ay pasko, dapat pasalamatan
Ngayon ay pasko, tayo ay mag awitan

Pasko! Pasko! Pasko nanamang muli. Ito yung mga araw na napupuno ng tao ang mga mall, nawawalan ng daanan sa mga palengke, at nagsasara ang Claro M. Recto paglampas ng Abad Santos kasi Divisoria season nanaman. Ito yung panahon kung kailan lalabas ka palang ng bahay, traffic na. Ito din yung panahon na tiba tiba ang mga kumpanya ng langis dahil ilang milyong litro ng gasolina at diesel din ang masusunog sa pagpapandar ng kotse ng panaka-naka nang naka-primera.

Normal na na usapan ito kapag nakaupo ka sa traffic kapag Nobyembre at Desyembre, lalo na kung weekend-- may magtatanong kung bakit trapik (uy name recall!) at may sasagot ng "magpapasko na kasi." Mahigit dalawang dekada ko nang naririnig ang ganitong usapan, at ngayong taon ko lang kinwestyon ang katotohanan ng sagot sa tanong na iyon.

E bakit pag magpapasko matrapik? 

"Christmas Traffic" image from mypsalm374.blogspot.com

Ilang pilosopong sagot na ang naisip ko para d'yan, at ilang teorya din naman ang umusbong mula sa mga ito. Ito ang ilan sa kanila:

1. Pag pasko lang ginagamit ng iba ang mga sasakyan nila. 
So, sampung buwan sa isang taon, nakatalukbong lang yung auto nila sa garahe at hindi nila ginagamit. Ginagamit man nila, paminsan-minsan lang talaga, as in once a month. Posible ba 'to?

Malamang hinde. Kasi kung may gumagawa nyan, diskargado na ang baterya ng kotse na 'yun; kinakalawang na ang mga preno at rotor, solido na ang langis ng makina, at marami pang ibang aspetong mekanikal ang magpapasinungaling dito. Mas maigi pa atang ibinenta nalang nila 'yung auto kesa binulok ng ganoon, tapos bumili nalang ulit ng bago pag kailangan nila. Hmmm, siguro kaya...

"Toyota Vios 2010" image from bestsellingcarsblog.com

2. Maraming bagong sasakyan sa daan. 
Eto hindi mo naman maikakaila. Ilang tao din ang nag-ipon ng matagal-tagal, kung hindi hinintay ang Christmas Bonus / 13th month pay para ma-ipang-down sa bagong sasakyan. Ansaya nga naman ng kalayaan mula sa pakikipagsiksikan sa MRT, sa bus, o pagpila para makasakay ng Shuttle, diba?

SM BF Paranaque, December 1, 2013

3. Andami kasing mall. 
Halatang halata naman na nating lahat na kahit saan ka lumingon, may SM property. SM City ganito, Hypermarket ganyan, Savemore, at kung ano ano pa. Isipin mo nalang, sa kahabaan ng Dr. A. Santos Avenue (Sucat Road) sa Paranque, may apat na malalaking SM shopping centers. Ito ang: SM City Sucat, Hypermart Lopez, Savemore, at ang bagong bukas na SM BF Paranaque. Dahil nasa topic na din tayo ng Sucat road, isama mo na din ang ilan ilan pang mga mall / shopping center na nandyan, tulad ng Virra Mall (oo, may buhay pa nyan), Liana's (oo din, may buhay pa rin nyan) Puregold, Puregold Jr., at marami pang iba. Hindi lang din sa Sucat ganyan.

Ang mga mall ang isa sa mga pinakamalaking sanhi ng trapik sa kalungsuran, at hindi ito isa sa mga bagay na pwede mong sisihin, kasi lahat tayo pumupunta dito kahit minsan sa isang taon, dahil lahat tayo may kailangan. Marami na ding mall ang nagsasa-alangalang ng trapiko kung kaya't gumagawa na din ang mga ito ng paraan para mapainam ang sitwasyon ng mga mananakay, tsuper, at ang mga motoristang gumagamit ng kalsadang nasa tapat nila. Pero dahil nga marami sa atin ang special buko pie, mapa-tsuper man o mananakay, hindi parin ito naaayos kadalasan.

Masyado kasing hassle kung papasok pa 'yung bus o jeep sa loob ng terminal, kasi sa bawat oras ng kahit anong araw, merong isang hitad na tsuper na gagawing garahe yung terminal at magtatagal dun ng mahigit sa sampung minuto. So kung papasok si manong drayber dun, mahihimpil din s'ya ng kung ganong katagal huminto yung nasa unahan. Kaya naman mamarapatin nya nalang huminto ng ilang segundo para magbaba at magsakay sa kalsada; ang problema, hindi lang sya ang nagiisip nito.

image from gelsantosrelos.typepad.com

4. Kung saan saan pumupunta ang mga tao. Pero bakit pag magpapasko lang?
Ganito kasi. Tulad ng iba, meron tayong mga espesyal na tao sa buhay natin, at gusto natin silang bigyan ng thoughtful na regalo para sa pasko. Yung tipong unique (kala mo lang yun), o di naman kaya, yung alam mong gustong gusto nila pero hindi mo makikita sa suking tindahan, o sa malapit na mall. Kaya sasadyain mo yung lugar kung saan ito makukuha at babyahe.

Kabaligtaran naman niyan e yung mga nagtitipid dahil sa iba't ibang kadahilanan. San pa ba naman pupunta ang mga nagtitipid kundi sa isa sa dalawang pinakamalaking bagsakan ng mga kalakal na mura? All roads lead to Divisoria, ika nga nila, at pagdating naman sa mismong lugar na iyon (Baclaran o Divisoria) e ganito ang sitwasyon: wala nang dadaanan ang mga sasakyan dahil nasa kalsada na ang mga nagtitinda, andaming tao na hindi mo alam kung pano pang umuusad, at wala nang paparadahan ang mga sasakyang pumupunta doon, so magpapark sila sa kalsada, at ang mga sasakyang pampubliko naman ay mawawalan ng espasyo para magbaba at magsakay, so sa gitna nalang din ng kalsada gagawin iyon. Isama mo pa dyan ang mga padyak, tricycle at kuliglig na nakikigulo din sa halo ng sasakyan at tao. Iispelengin ko pa ba? Perfect formula yan para sa kaguluhan ng kalsada.

image from philippinenews.com

5. Late kasi ang bonus. 
Sa mga normal na kumpanya, ang 13th month pay ay pumapasok bandang kalagitnaan ng Nobyembre, o di naman kaya sa mga unang linggo ng Desyembre. Pero kung nagtatrabaho ka para sa isang hindi kalakihang kumpanya kung saan walang HR na mag-a-asikaso ng tutok sa mga ganitong bagay, nagaganap ang bigayan ng bonus kasabay ng sweldo bago magpasko. Minsan naman, sa mga kawani ng gobyerno, lalo na yung mga nasa mabababang pwesto, nadedelay ang 13th month (aba syempre, kailangan mauna yung bonus ng mga buwaya sa taas no), at naibibigay ito ilang araw nalang bago magpasko.

Dahil nahuli mong natanggap ang salaping gagamitin mo para ipakita mo sa mga mahal mo sa buhay na mahal mo nga sila at ipakita na rin na mahal mo si Hesu Kristo (konek?), magkukumahog ka ngayong mamili sa mga shopping mall o kung saan pa man. Nangyayari ito sa mas nakararaming bahagi ng ating lipunan, kung saan ang perang kailangan mo para makapag-pasko ay makukuha mo lang ilang araw nalang bago magpasko, kung kaya naman karamihan ng tao ay nasa labas isa, dalawang linggo bago magpasko.

Sanhi na din ng nahuling pagtanggap ng pera, nauubusan ka na ng options sa mga pamilihan at minsa'y pagtya-tyagaan mo na ang mga stock na napagpilian na. Pero minsan, dahil mahal mo nga kasi yung mga taong mahal mo, hindi ka papayag nito, kaya iikutin mo ang buong kalakhang Maynila para lang mahanap ang perfect na pang regalo.

image from 365greatpinoystuff.wordpress.com

6. Ang Noche Buena, at ang handa sa araw ng Pasko.
Ito ang isa mga bagay na hindi mo na maiiwasan. Dahil ang Pinoy sadyang mahilig pumarty -- magpiyesta -- kailangan may handa ka pag araw ng Pasko, at syempre, sa hatinggabi ng Pasko, ang Noche Buena. Kaya sa a-bente-cuatro ng Desyembre, halos hindi ka makahinga sa loob ng mga Supermarket at Palengke dahil sa dami ng namimili ng sariwang pagkaing ihahain nila sa mga pamilya nila. Ang a-bente-tres ng Desyembre ang pinaka-kinatatakutang araw ng lahat ng Baboy, Baka, Manok at Isda. Sa araw na ito nagsspike ang mortality nila, at dahilan para bumaba ang life expectancy nila bawat taon.


Eto ang sitwasyon natin dito sa Maynila tuwing magpapasko. Hindi ko masasabing nagsasalita ako para sa karamihan ng Pilipinas, dahil hindi ko pa nakikita ang sitwasyon sa ibang lugar pag pasko.

Usually pag ganitong panahon at nakakaranas ako ng trapik, kibit balikat nalang ako at mahaba ang pasensya ko sa lahat ng bagay na nagaganap sa daan (note: madaling uminit ang ulo ko sa kalsada). Wala ka naman na kasing magagawa tungkol dito, at isa ka lang din sa milyon-milyong residente ng lugar na ito na gustong makapagpasaya ng kapwa sa panahong dapat lahat ng tao'y masaya.

image from whydoyoueatthat.wordpress.com

Sa totoo lang kakalimutan mo na ding tanungin kung bakit matrapik, kasi sigurado ka na din sa sagot sa tanong mo.

Pero sana 'wag din nating kalimutan ang tunay na ibig sabihin ng pasko. Oo, bigayan, dahil turo nga ni Hesus 'yan, pero ang puno't dulo ng lahat ng ito ay Siya, 'yung taong ipagdiriwang natin 'yung kaarawan. Hindi ito tungkol sa regalong matatanggap mo, o sa regalong ibibigay mo, o sa pag kumpleto ng simbang gabi, o kay Santa Claus, o sa putubumbong, bibingka, coca-cola, handa, o noche buena na kakanin mo.

Sana kapalit ng trapik na pagdurusahan natin sa darating na mga araw, ay maipagdiwang natin ang kaarawan ni Hesu Kristo, at ang pagkakabuo ng ating pamilya, gaya ng pagkakabuo ng kanyang pamilya noong isilang sya.

image from themasterstable.wordpress.com

Ilang araw nalang pasko na, konting tiis lang, may kapalit din namang ligaya (sana) ang trapik na sasagupain natin ;) 

--

Di ka pa ba nagsasawa sa trapik?
Wag kalimutang i-follow kami sa twitter: http://twitter.com/BakitTrapik
at i-like ang Facebook page: http://facebook.com/bakittrapik
pagusapan natin, dahil kung sama sama tayo sa isang layunin, kakayanin natin!

Kasi Para Kang Buko Pie.

Maraming bagay na espesyal sa mundo. Actually, bata palang tayong lahat, pinapaalala na sa atin ng lahat ng nasa paligid natin na espesyal tayo. Kaya naman kapag bumyahe ka sa katimugang tagalog, lahat ng Buko Pie, ay special.

image lifted from victoria.olx.com.ph

So ano nalang ang regular na buko pie?

Ganito din ang pakiramdam nating lahat kahit nasan tayo. Pag nasa pila tayo sa mga serbisyong handog ng gobyerno at mabagal ang pila, ilan satin ang magrereklamo at paulit ulit na sasambiting nagbabayad tayo ng tamang buwis. Ganun din naman sa mga restawran; nagbabayad ako, bakit ganito ang trato n'yo sakin? espesyal ako!

E naisip mo na bang lahat ng ibang kasama mo sa pila, pati na 'yung mga nangangasiwa ng pila ay nagbabayad din ng buwis? Pano 'yung ibang kasama mong kumakain ng payapa, na nagbayad ng perang pinaghirapan din nila tulad mo, na gusto lamang ay kumain ng payapa at masarap?

Hindi naman ako nagmamaneho mula ng pinanganak ako, at malaking bahagi ng buhay ko ang naigugol ko sa loob ng mga pampublikong sasakyan, at lalong marami pa ang iginugol ko sa pagtayo sa sakayan ng bus, pila ng jeep o FX. Minsan din naging bahagi ako ng "special" na lupon. Sino ba itong mga Special na tao na ito?

image lifted from Rappler.com 

Sila yung mga naghihintay ng sasakyan sa isang lugar na hindi dapat hintuan ng kahit anong sasakyan dahil gumagawa ito ng trapik Kadalasan ang mga lugar na tinatambayan ng mga Special na tao para maghintay ng masasakyan ay ang mga kanto; isa na sa mga pinakamalaking ganito ang crossing ng Airport Road, Roxas Boulevard, at Coastal Road, kung saan hindi nawawalan ng taong nakatayo na nagaabang ng bus sa pangatlong lane ng kalsada.

Sa unang bahagi ng taon na ito, pinasinayaan ng MMDA ang Southwestern Integrated Bus Terminal, o in short, ang parking lot ng nabubulok at punong puno ng kaso at malisyang Coastal Mall sa Paranaque. Sa unang araw ng pagpapatakbo nito, nagkaron ng malaking kaguluhan sa kanto ng Airport Road at Roxas Boulevard dahil ang mga byahe ng bus na mula ng Cavite na dati'y nakakatuloy sa Lawton sa Maynila, at napuputol na ang linya sa Coastal Mall. Mula doon, ang mga kababayan nating kabitenyo na papunta sa kanilang mga trabaho't paaralan ay kailangan nang sumakay ng isa pang beses patungo sa paroroonan nila. Sa totoo'y walang kaso ang sistemang ito in theory, pero lumabas ang problema sa application nito, nang makitang hindi gingulan ng pag-a-aral ang implementasyon nito. Pero ok lang, sanay na ang mga tao ngayon, hindi ba?

image lifted from azraelsmerryland.blogspot.com

So ano yung naging kaguluhan? Tumawid ang mga tao mula sa Coastal mall, at sa kabilang dako ng Roxas Boulevard nag-abang ng kahit anong sasakyan na patuloy ang byahe papuntang Maynila, o Makati -- Jeep, FX, Pedicab, kahit ano. Mabilis na lumapad ang nasasakupan ng walang masakyan, na naghihintay sa gitna ng kalsada. Kinalauna'y nakain na nila ang tatlong lane ng Roxas Boulevard, at nagdudulot na ito ng trapik. Unahan kasi ang sistema sa ganito.

Ayun. Unahan. Ang pinakamahalagang skill na matutunan mo sa pagiging commuter sa kalakhang maynila: Kailangan magaling ka manguna sa pagsakay. Hahabol ka ng bus, ng jeep, ng FX. Kailangan may strategy ka kung pano mong mauunahan yung aleng kanina pang nakatayo sa tabi mo at maraming dala, kasi pag naunhan ka niya, ikaw naman ang hindi makakauwi ng maaga. Bakit? Special ka kasi. Pakelam mo ba sa sakanya?

At diyan po nag-u-ugat ang lahat. Sa ingles, pwede natin itong tawaging apathy, isang kundisyon ng pagiisip kung saan wala tayong ibang iniisip kundi ang sarili nating kapakanan, at wala na tayong pakialam pa sa ibang bagay.

Ito ang iba't ibang panig ng isang tipikal na pag-para ng isang sasakyan sa kalsada:

1. Mula sa pananaw ng pasahero.
Ano nga ba naman ang pakialam ko sa ilang sasakyang hihinto sa likod ng bus na pinara ko? Sasakay ako e. Mabilis lang naman akong sasampa sa bus na ito, at makakaalis na ito agad at aandar na ang trapik.

2. Mula sa pananaw ng limampung iba pang pasahero.
Ano nga ba naman ang pakialam ko sa ilang sasakyang hihinto sa likod ng bus na pinara ko? Sasakay ako e. Mabilis lang naman akong sasampa sa bus na ito, at makakaalis na ito agad at aandar na ang trapik.

3. Mula sa pananaw ng konduktor. 
Quiapo, Quiapo, Quiapo! Kita, kita, kita!

4. Mula sa pananaw ng bus driver (A)
Hihinto lang naman ako sandali para magsakay ng pasahero. Masyadong malaki itong sasakyan ko kaya hindi ko maigigilid ng maayos, bukod pa dun, baka makasagi ako ng tao. Wala akong ibabayad sakanila pag nagawa ko yun. Sandali lang naman akong hahambalang e. Atsaka baka maunahan ako ng mga kakumpitensya kong bus.

5. Mula sa pananaw ng bus driver (B)
Tangna niyong lahat, naghahanap buhay ako ng marangal.

6. Sa pananaw ng traffic enforcer (A)
Gago to a, kung makahinto, akala mo kanya ang kalsada. Huy! *pito sa silvato* Ay, andami palang tao. Kawawa naman sila. O baka naman kaya pag nagmatigas ako sakanila magalit sila sakin at kuyugin ako. Sige, hayaan ko nalang sila. Kung ako naman ang nasa sitwasyon nila gugustuhin ko ding makasakay agad e.

7. Sa pananaw ng traffic enforcer (B)
Loko to a, di pa 'to nagbibigay ngayong araw sakin a. Hoy! *pito sa slivato* Konduktor! Lika dito! *tahimik na usapan sa gilid ng bus para walang makakita at makakuha ng litrato*

8. Sa pananaw ng drayber ng sasakyang nasa likuran ng bus
PUTANGINAAAAA! *busina ng malakas at mahaba*

9. Sa pananaw ng pasyente sa ambulansyang naiipit sa likod ng trapik na ginawa ng bus.
*Nagfflashback na ang buong buhay nya*

Kung sumakay ka, bababa ka din. At kadalasan, isa rin ito sa mga sanhi ng trapik. Isa ito sa mga kulturang pinoy na kaakibat na ng sagisag nating Jeepney.

Ang prangkisa ng karamihan sa mga Jeepney na bumabyahe sa mga lansangan ng Metro Manila ngayon ay pang-maiikling distansya lamang. Ang tawag dito ay secondary mode of transporation, sa pagitan ng primary, o yung mga mahahaba ang byahe katulad ng mga Tren at Bus, at mga tertiary o yung mga specific locations ang binabyahehan, tulad ng mga Padyak at Tricycle. Ang konsepto ng transportasyon natin sa Pilipinas ay ganito: sasakay ka ng tertiary mode papunta sa secondary, papunta sa primary, na ibaba ka naman sa secondary, na ibababa ka sa tertiary. Kaiba ito sa mga transport system ng mga karatig bansa natin kung saan puros primary lang ang mayroon, pero naseserbisyohan ang halos lahat ng lansangan. Pagbaba mo, maglalakad ka.

Ang mga primary at secondary modes of transportation ay may nakatalagang babaan at sakayan, tulad ng mga waiting shed at mga transport terminal tulad nalang ng mga nasa mall. Pero dahil nga special tayo, iba-bypass nating lahat ito at kakalimutan ang mga loading at unloading zone. Bababa ako sa harapan ng tindahan ni Mang Kanor, kaya dun ako papara eksakto. Wala akong pakialam kung ang kalsadang dinadaanan ng Jeep na ito ay dalawang lane lang, isa para sa bawat direksyon; ang importante, bababa ako sa pupuntahan ko at hindi na 'ko maglalakad. Special ako e. Yan din ang dahilan kung bakit ang mga waiting shed natin sa kalsada ay punong puno lang ng mga naglalako ng kung ano ano, o di kaya naman ay playground ng mga bata. Sa España sa Sampaloc sa Maynila, ginagawa din itong garahe ng mga motorsiklo at Tricycle.

image lifted from pinoyexchange.com

Sabihin na din nating ginamit natin ang mga tamang lugar ng paghihintay ng sasakyan. Gaano ka naman kasiguro na yung drayber ng sasakyan mo ay hindi Special? Isipin mo nalang ito: sa Quiapo, sa Maynila, malawak ang kalsada. Dinesenyo ang Quezon Boulevard (oo, sa mga hindi nakakaalam, ito ang pangalan ng kalsadang iyon) mula sa kanto ng Lerma hanggang sa Panahan ng Quezon Bridge para sa apat na tatlong lane na dumadaloy at isang lane para paghinto ng mga sasakyhang pampubliko, alintana na ngang isa itong major hub sa kalkhang Maynila. Pero kadalasan, baligtad ang nagaganap; isang lane lang ang dumadaloy, at tatlong lane sa kanan ang puno ng mga nakahimpil na bus, jeep, FX, padyak, kuliglig at tricycle. Special kasi sila at naghahanap buhay sila ng marangal, kaya hindi mo dapat pigilan ang pag-istambay nila dun upang makalikom ng tamang dami ng mga pasahero para kumita. Sa kabilang banda, hindi rin naman maglalakad ng malayo ang mga pasahero para makasakay, kasi... special kami, at nakakatamad.

Oo nga pala, yung isang lane na dumadaloy? Humihinto pa 'yun pag may bus na lalabas at lalarga na, kasi sasakupin nya yung umaandar na pila para makaalis.

So paano natin babaguhin ito? Simple lang naman, at simula't sapul tinuturo na ito sa atin ng MMDA at ng mga lokal na pamahalaan. Gumamit kasi tayo ng bus stop at terminal. Ilang Loading-Unloading bay na ba ang ipinagawa ni Bayani Fernando sa EDSA? Ilang Rapid Bust Transit na ang ipinatupad ng MMDA mula pa sa panahon ng MMDA ni Fidel Ramos nung 90s? Ilang color coding, number coding, at kung ano ano pang solusyon ang naisip ng mga pinuno natin para lang ma-isaayos ang mga lansangan ng Metro Manila? Kung tutuusin lahat ng pinatupad na ganito ay mabisa, subalit ang nagiging problema nalang natin ay ang mismong mga dapat sumunod dito... kasi ayaw nilang sumunod.

Bakit nga ba sa Business District ng Republic of Makati e maayos ang transport system kahit paano? Minimal pa ang infrastructure na ipinagawa nila para dyan ha. Pero sumusunod ang mga tao. Gayun din naman sa bayan ng Olongapo sa Zambales. Political will lang ba ang solusyon dito? Hindi.

image lifted from ourawesomepanet.com

Special kasi tayo. Kailangan nating makarating agad sa pupuntahan natin, at dapat maintindihan ito ng lahat ng tao. Ang kaso mo nga, pare-pareho din tayo ng iniisip. Kaya ang resulta, gulo. So anong pinagkaiba natin sa Special na Buko Pie?

--

Di ka pa ba nagsasawa sa trapik?
Wag kalimutang i-follow kami sa twitter: http://twitter.com/BakitTrapik
at i-like ang Facebook page: http://facebook.com/bakittrapik
pagusapan natin, dahil kung sama sama tayo sa isang layunin, kakayanin natin!

Kasi May Running / Cycling / Street Dancing Event

Madalas, pag sabado ng gabi, madaling araw na ko umuuwi. Ayoko nang gamitin yung salitang "Gimik" kasi parang nakakatanda. Sabihin nalang natin na "I hang out with my friends" pag sabado ng gabi, at ang ending 'nun e uuwi ako ng bandang alas dos, alas tres ng madaling araw ng araw ng linggo. Kasama na sa pag-uwi na 'yun yung pag-enjoy sa mga kalsadang kadalasa'y pulang ilaw lang ang makikita mo pag oras ng kabihasnan, kaya naman ang takbuhan pag gabi e di baba sa 60-80kph, depende na kung nasan ka.

Iba rin yung saya sa Quezon Memorial Circle pag madaling araw, kasi para ka lang naglalaro, at hindi ka makikipagpatintero masyado sa mga rumaragasang bus na laging namumuwit ang jebs at pac-man ang peg sa pagkuha ng pasahero. So usually, liliko ako galing circle papasok ng Commonwealth Avenue nang nasa 60 hanggang 80 ang bilis. Kadalasan nito, may gugulat sakin na steel fences na nakatayo sa gitna ng kalsada. Syempre maluwag naman, so madali lang lumipat ng lane. 

Ito ang kultura sa Commonwealth at Quezon Memorial Circle pag linggo: fitness activities. May spill-over din yan sa U.P. Diliman Oval, at sa ilang dako pa ng Metro Manila kung saan may maluwag na lugar para maglakad, tumakbo, magbisikleta, at iba pa. Walang naidudulot na gulo masyado ang mga gawaing ito kasi maluwag naman ang Commonwealth Avenue. Walong lane magkabila, na bumubuo ng labing anim na lane at isang malapad-lapad na center island kasya pa ang dalawang lane, pati na rin ang dalawang magkabilang malalapad na bangketa (na kadalasa'y paradahan ng mga residente doon). 'Di ba't perfect ito na venue sa mga aktibidad na dinadaluhan ng maraming tao? 

Pero kaninang umaga, may naka-engkwentro akong matatalinong tao sa C5. Sa sobrang galing nila, napa-palakpak nila ako, at napahiyaw ng maraming beses. Ang galing galing kasi e. 

poster image lifted from padyak.ph

Sila ang mga organizer ng Tour of the Fireflies: isang event na nagaganap taon-taon sa nakalipas na labinlimang taon. Labing-apat na taon kong hindi nakita kung anong nangyayari sa event na ito, pero kaninang umaga, na-experience ko ng buong buo ang perwisyong idinudulot nito, kahit na isang beses lang sa isang taon. 

Baka di ko pa nasabi, wala akong kahit anong masamang tinapay laban sa mga ganitong klase ng event. Sa totoo'y pabor pa ako sa mga ganito dahil minsan sa isang linggo, buwan, o taon, nagtitipon ang malaking lupon ng mga tao para magkaisa sa iisang adhika, anuman iyon. Pero may mga limitasyon naman yata dapat ang mga event na ganito.

Papunta ako ng airport kaninang umaga para maghatid, at natural sa akin ang gawing pinaka-unang option ang C5 sa kahit anong oras ng araw basta't papunta ng airport, lalo na kung linggo ng umaga. Bakit C5? Kasi ito 'yung kalsada na kakaunti lamang ang sira, una sa lahat. Pangalawa, isa ito sa mga pinaka-deretsong daan papuntang airport mula sa norte. Bukod pa dun, mabilis. Dun pala ako nagkamali. 

Lumapag ako mula sa Ortigas-C5 flyover nang biglang tumigil ang trapiko. As in huminto at nagmistulang literal na parking lot ang C5 Pasig. Hinala ko nang may cycling event sa loob ng Tiendesitas kasi marami rami akong nakikitang siklista sa paligid mula Katipunan pa lamang. Hindi ko naisip na yung mga siklista pala e lalabas ng C5 at doon magbibisikleta. 

parking lot. actual picture.

Sa normal na araw, madali lang lusutan 'to. Pwede kang lumiko papasok ng Tiendesitas at umikot kung saan mo gusto - Oritgas Ave o Julia Vargas. Pero dahil nakahimpil ang trapik at dahil nasa loob ng Tiendesitas yung starting line nila, sarado din ang Tiendesitas kaya walang maikutan. Wala, ang nagawa lang namin ay maghintay na gumalaw ang daloy ng trapik. 

Nangyari 'yun 30 minuto ang nakalipas. 

Tatlumpung buong minuto. Isa isahin natin 'yung mga nangyari sa loob ng oras na 'yun. 

1. Umabot ang traffic hanggang Katipunan Avenue. 

Alam naman nating masikip ang C5. Apat na lane magkabila, at may panaka-nakang Uturn slot na sumasakop ng isa't kalahating lane magkabilang panig. Dagdag pa dito ang dami ng mga motoristang gumagamit ng C5 bilang primary thoroughfare mula sa kanilang mga pinanggalingan. Isama pa natin ang dalawang malalaking simbahang kadalasa'y de-kotse ang sumasamba, kaya naman gumagamit ng kalsada bilang parking lot kapag kulang na sa loob ng lote ng simbahan. Ano ulit ang sagot sa 1+1+1? 

2. May mga nahuli sa mga dapat nilang puntahan. 

Sige, medyo self-serving ito, pero totoo parin naman. Maraming dumadaaan sa C5 na papunta ng airport, galing ng Bulacan, Fairview, Marikina, Pasig, at iba pang mga lugar. Gaya ng sinabi ko sa itaas, isa ito sa mga direkta at isa sa mga pinakamabilis na ruta patungo ng airport. Kung naipit pa kami ng ekstrang sampung minuto sa gulo na iyon, hindi na nakasakay ng eroplano ang mga sakay ko at mistulang nagwaldas nalang sila ng ilang libong piso para kitain ng airline. 

3. May namatay. 

Eto hindi biro. Ilang kotse lamang sa likod ko ang layo ng isang ambulansyang nagpupumiglas sa trapik. Aligaga na kaming lahat ng drayber nang narinig namin ang sirena ng ambulansyang 'yon kasi hindi na namin alam kung pano naming pipihitin ang mga sasakyan namin para makadaan s'ya. Mukhang seryoso ang kalagayan ng nasa loob ng ambulansyang 'yun kasi hindi sya magkanda-ugaga sa pagsingit, at pagdaan niya'y ilang nurse ang nakita naming nakasakay, kasama ng isang aleng umiiyak sa loob. Sana nakunan ko ng litrato no? Baka pwedeng i-post sa Facebook page ng organizer nung event. 

4. May kalakal na nabulok. 

Siguro naman alam na din natin na ang C5 e ang natatanging daan na deretso mula NLEX hanggang SLEX, sa ngayon, hindi ba? At ang ilang aning gulay ay nagmumula sa Norte, at dinadala sa Katimugan gamit ang kalsadang ito. 'Yong order ni aling tetay sa Alabang Market na limandaang kilong romaine lettuce para sa mga salad ng mga taga Ayala Alabang, nabulok na. Pano na yung mga naka-vegan diet? O di kaya di makakain ng walang salad? Mawawalan na ng suki si aling Tetay n'yan, o kaya naman masesesante si Atey kasi di s'ya nakahana ng romaine lettuce. bukod pa sa nalugi ng ilang libong piso yung pobreng magsasaka sa Baguio na umaasa lang dito.

Sabihin mo mang maliit na bagay 'to, pero naisip mo na ba 'yung repercussion ng maliit na bagay na 'yun? 

photo of the 14th Tour of the Fireflies, lifted from unfoldandcycle.com

Kinalauna'y umandar ang trapik at naabutan ko 'yung pick-up ng MMDA na nagtatraffic habang gumagalaw. Di mo naman pwedeng bulyawan yung mga kasali sa event, kasi, for all they know, ok lang yung ginagawa nila kasi may permiso sila e. Ayun 'yung MMDA o, kumukumpas pa ng trapik. Hindi mo rin pwedeng sigawan yung enforcer, kasi hindi nya naman kasalanan na italga s'ya dun nung oras at araw na iyon. Pero nagpanting ang tenga ko sa isang kasali sa event na prentent prenteng namimisikleta sa gitna ng lane ng dapat na gumagalaw na traffic. Binaba ko ang bintana ko pagtabi ko sakanya, "hindi ba sobra sobra na?" ang tanong ko sakanya habang pinapakita sakanya yung guhit ng kalsada. 'Dun ako nakarinig ng isang babaeng "galit na galit a!" Aba teh, palit tayo pwesto, baka maintindihan mo 'yung pinag-ngangalit ko? 

Na-imagine ko na din yung gusto nilang mangyari at that point: papunta sila ng Bonifacio Global City at the very least, kaya nang nalapit ako sa kanto ng Shaw Boulevard, iniliko ko na at nag-EDSA nalang ako. 

I'm sure makakabasa ako ng mga magsasabing "e bakit kasi hindi ka nag-check muna ng social media," o kaya "in-announce naman yan a" Kailan kaya? babad ako sa social media, lalo na sa twitter. Bakit hindi ko kaya nalaman 'yung event? Kasi nga tanga ako no? Meron din namang magsasabi na "it's all for a cause," o kaya nama'y "ilang saglit na perwisyo lang naman," o di naman kaya, para gayahin ang sabi ng ating mahal na Pangulo, "But you didn't die right?" Siguro naman, sa hinaba haba ng blog na ito, alam na natin ang isasagot ko sa ganyan ano? 

Eto 'yung tweet ng MMDA nung araw na 'yun, at lumabas ito sa feed ko habang nakahinto ako sa traffic sa C5. Binalikan ko lahat ng tweet ng MMDA hanggang November 21, 2013, at ito ang kaisa-isang tweet nila tungkol sa event na ito. Sa Facebook nila, walang kahit anong related sa Tour of the Fireflies.

ADVISORY: Tour of the Fireflies , Nov. 24, 2013, from 6 AM to 1 PM http://t.co/qVsWxqHR6F (cont) http://t.co/B8IEZ4zbFy
— Official MMDA (@MMDA) November 23, 2013

Pumunta rin ako sa Tour of The Fireflies na Facebook group, at napag-alaman kong simula October 31, ang tanging in-a-announce nila ay sa Tiendesitas ang starting point. Tumingin pa ko sa isang link na naka-post sa isang comment sa isang post nila, at nahanap ko ang Facebook group na "We want bicycle lanes in the PH" at nakita ang isang post, tinatanong ang mga organizer ng event na ito kung ano ang ruta ng kanilang pamimisikleta, at hindi pa nila name-media blast ang rutang ito. Kung yung iniikutan nga ng Nazareno ng Quiapo kabisado na natin, taon taon paring paulit ulit na pinapalabas sa TV kung sa'n ito dadaan, bakit itong event na ito na may potensyal na magpatigil ng daloy ng trapik e hindi?

So narealize ko, after 18 paragraphs, na wala na yung objectivity nung blog post. Oo, badtrip kasi ako, at kasi alam kong may iba pang paraan para gawin ito ng hindi makakapagdulot ng perwisyo sa mga kapwa nating gumagamit ng kalsada. So para sa mga organizer ng Tour of the Fireflies, ito ang ilang mungkahi para sa susunod ninyong adhikain:

1. Ikalat ng maaga ang lahat ng impormasyon tungkol sa event na ito.
Internet po ang buhay at ikinabubuhay ko, at ako na ang unang magsasabi sa inyo na hindi lahat ng pagpapakalat ng impormasyon ay maidadaan sa Facebook, o sa Internet. Bukod pa doon, kailangan ng maagang impormasyon lalo na kung magsasara ng kalsada, at kailangang maikalat ito sa media na maikakalat sa kalkhan ng publiko. Kung hindi maiwasan, mahirap bang magpaprint ng tarpaulin na malaki at ipaskil sa ilang bahagi ng kalsadang maaapektuhan na nagsasabing "TRAFFIC ADVISORY: Wag ka dumaan dito, may ginagawa kami."? Nakapag-organisa kayo ng event at siguradong may pondo kayo para sa marketing. Ilang registration lang ba ang bibilangin para mabawi ang pinang-print sa tarpaulin?

2. Pumili ng kalsadang hindi mapeperwisyo kahit na idaos ang inyong event. 

Gaya ng sabi ko, ayan ang Commonwealth Avenue. 16 lanes, kahit 8 dyan kunin n'yo, hindi magkakatrapik. Pag SONA nga ng Pangulo nakakadaan kami dyan ng matiwasay e, partida pa nun sarado ang buong southbound lane. 

3. Gusto niyong pumunta ng BGC mula Tiendesitas? Go lang ng go. 

Basta isang lane lang ang gagamitin niyo. 'Wag na 'wag n'yo lang pangyayarihin na humimpil ang daloy ng trapiko sa isang major arterial road. Ayaw n'yong natatrapik sa EDSA diba? Well lahat ng tao ayaw din. Maging Considerate. 

4. Kung gusto n'yo naman, isara n'yo nalang ng tuluyan yung kalsada. 

Pwede namang hinarangan n'yo nalang 'ang C5 mula sa isang kanto nito na pwedeng ikutan para maging bypass / alternate route, tulad ng Ortigas Avenue. Hindi 'yung na-trap pa yung mga tao sa isang bahagi nito na walang kahit anong opening, at 'yung nag-iisang pwedeng ikutan, e kinopo nyo din. 

5. Eto naman para sa pamunuan ng MMDA. 

Kayo ang natatanging ahensya na may hawak ng trapiko sa kabuuan ng C5, sa lahat ng bayang nadadaanan nito. Alam n'yo din ang capacity ng kalsada na ito, at alam n'yo ang nangyayari pag nagakakaron ng stand-still dito. Isa lang ang tanong ko: Pinayagan n'yo to? 

Ako pa lang 'to. Ano pa kaya kung ibulalas din ng mga nahimpil sa traffic na 'yun ang mga saloobin nila?

Mga opinyon at Mungkahi ko lang naman ito. Hindi naman kasi dapat nagiging sanhi ng trapik 'ang mga ganito, hindi ba?

--

Di ka pa ba nagsasawa sa trapik?
Wag kalimutang i-follow kami sa twitter: http://twitter.com/BakitTrapik
at i-like ang Facebook page: http://facebook.com/bakittrapik
pagusapan natin, dahil kung sama sama tayo sa isang layunin, kakayanin natin!

Kasi Epal Ka Mag U-turn

In the earlier days of the time of MMDA Chairman Bayani Fernando, he proposed a travel-time-decreasing solution that would re-shape how we in Metro Manila, and some other parts of the country would use roads. Take note that this scheme doesn't alleviate traffic, but make way for seamless travel.

Photo from Wikimapia.org

Case in point: Kung nakatira ka sa Bacoor, Cavite at pupunta ka ng Malabon gamit ang EDSA, ang kauna-unahang traffic light na madadaanan mo e sa Malabon na. Yung idea ng U-turn slot e tanggalin yung traffic na nabubuo dahil sa mga traffic light na ilang segundo lang ang pagpapaandar. Yung konsepto ng traffic light hindi mali, pero dahil ang Metro Manila ay naguumapaw sa mga sasakyan at kaunti lang ang kalsada nating may kakayanang magpadaaan ng ilang libong sasakyan sa bawat minuto ng araw, kinailangan ito. Swak naman talaga na solusyon ang U-turn slot sa karamihan ng mga kalsada natin, kasi tuloy tuloy ang flow ng traffic.

The Metro Manila Style U-turn scheme has taught motorists how to drive unimpeded for lengthy times of travel through the Metro. It also taught us how to properly swerve to the right from the center island to the curb of the road without meeting your, or your vehicle's doom, or causing traffic behind you after leaving a U-turn slot. That last sentence is false.

Karamihan satin gumagamit ng U-turn slot araw-araw. Ang mga bukanang ito sa gitna ng kalsada e nakakabilis o nakakabagal ng daloy ng traffic, depende nalang sa gumagamit nito. Andaming nagalit sa MMDA nung una nila itong ginawa nung early 2000s, kasi naman, nakakagulat na bagong sistema ito. Kinalaunan, nakasanayan na natin lahat ito, at kahit 'yung pumalit na hepe ng MMDA ay ni-retain ito.

So paano ka ba gumamit ng U-turn slot? May ilang uri ng nag-yu-U-turn na nabubuhay sa mundo, at ang ilan sa mga ito ay sinubukan kong i-describe:

1. The Unsure.
Ito yung parang may balak mag-park sa U-turn slot, kasi natatakot s'yang mabangga ng parating na mga sasakyan. Ok, gets naman nating lahat yun, pero within this decade sana makapag-Uturn ka na kasi yung sasakyan na nasa likod ko najejebs na. O, sige, gagalaw ka, pero pa-unti-unti. E lalo kang mababangga nyan kasi di malaman nung sasalubong sayo kung tutuloy ka o hindi. Pagka nandyan na sya, tsaka mo maiisip na "o sige na nga tutuloy na ko," ayun. Handa ka na ng pambayad sa talyer. Wala kaming panahon para panoorin kang matutong gumamit ng U-turn slot, kaya eto na si...

fig.2 The Defender

2. The Defender.
S'ya yung sasakyang makikita nyo na may kapa, at handang magbigay ng cover para sa unsure mag-Uturn. Isa s'ya dun sa mga drayber na magaling mangharass ng kasalubong para mapagbigyan, at kung isa ka dun sa mga pasalubong na sasakyan sa U-turn slot, magugulat ka nalang kasi merong sasakyang biglang nakahambalang sa lane mo. Magaling 'tong si defender, kasi dalawang side ng traffic yung kaya nyang patigilin: yung iniwanan nyang lane na biglang pumreno kasi tumiwalag s'ya sa pila, tsaka yung sinasalubong n'yang lane kasi pinahinto nya para makadaan si unsure. Ang problema nga lang, pag di gumalaw si unsure, hindi rin makakagalaw lahat.

fig.3 The Capital U

3. The Capital U.
Tayong mga Pinoy, mahilig sa do-it-yourself. Bakit ako magbabayad sa mekaniko e alam ko namang gawin yan? Sabi sakin nung kaibigan kong mekaniko ganito lang yan e. Ganun din sa pag-manufacture ng sagisag nating Jeepney. Kung ang normal na sasakyan e kayang pihitin ang unahang mga gulong ng 45 degress (hindi ito eksakto), ang Jeepney, hanggang 30 degrees lang. Ang resulta? pag liliko sila, kailangan nila ng malaking piraso ng daan, o kundi naman e kailangan nilang umatras pa bago makaliko ng tuluyan.

Ganito din ang sitwasyon ng mga bus driver, kasi hindi bus ang dala nila, kotse! Ililiko nila yung sasakyan nila na akala mo wala lang, pero nasakop na nila yung buong kalsada. Bakit 'ka n'yo? E kasi wala namang nagsabing no u-turn ang mga bus dun sa kanto na 'yun e. Kapalit n'yan, hihinto ang trapik sa buong kalsada. O, aatras pa yan kitams?

Hindi lang bus at jeep ang gumagawa nito. Meron ding mga pribadong motorista na ginagawa ito, kasi yung pupuntahan nila, sobrang lapit sa U-turn slot. Kaya tatawirin nila yung buong kalsada agad habang nag-u-turn. Sagana sa dirty finger, busina at mura ang mga gumagawa nito, pero araw araw parin nilang ginagawa. Para din silang...

fig.4 The Kaliwete

4. The Kaliwete.
Ito naman yung mga drayber na dahil nakatapat sa U-turn slot yung pupuntahan nila, aba e tatawirin na. Bakit ba, e ang mahal kaya ng gasolina para pumunta pa ko dun sa susunod na U-turn slot? Hihinto lang naman kayo nang ilang sandali para makatawid ako a?

Sila yung mga hindi nakakaintindi na ang isang apak sa preno ng nasa unahan, e paghinto ng pang-ilangdaang sasakyan sa likuran. Hindi naman sabay sabay na tatapak sa preno ang lahat ng magkakasunod. Ano sila, telepathic?

May isa pang uri ng left turner. Minsan kasi yung mga U-turn slot may concrete barrier na para hindi na mag-alangan yung mga mag-yu-uturn, atsaka para wala nang magtangkang tumawid ng deretso. Pero si left turner, hahanapin nya lang yung dulo ng barrier at biglang kakanan. Oha? batas.

Kung may left turner, meron din namang...

fig.5 The Crosser

5. The Crosser.
Eto yung drayber na nasa tapat ng U-turn slot ang pinanggalingan, at dahil hindi daw cool na pumunta sa susunod na U-turn slot, tatawirin ang kalsada para makapasok sa U-turn slot at makaalis agad. Minsan gusto kong intindihin 'yung mga ganito, kasi minsan sobrang layo o sobrang traffic dun sa susunod na U-turn. Pero kailanman hindi mo pwedeng i-justify ito, kasi lahat tayo gumagamit ng kalsada, at lahat tayo nagbabayad ng buwis. Kung pwede mong gawin 'yan, pwede ko ring gawin 'yan, at sampu ng lahat ng nagmamaneho sa Maynila. Pag ginawa nating lahat yan, aba e bakit pa tayo nag-Uturn slot? Balik nalang tayo sa traffic lights at intersections.

fig.6 The Padder

6. The Padder.
Yung mga padder yung mga hindi makapaghintay makapag-Uturn. Sila 'yung titiwalag sa pila, tapos pupunta sa unahan ng pila at ka-cuttin yung nag-u-uturn. Ok lang sana 'to kung isa lang, ang kaso mo, monkey-see-monkey-do ang peg ng mga driver sa kalsada. Bilang ka ng 5 seconds, may pangalawa nang pila sa kanan mo, at yung mga dederetso sana e kailangan pang umagaw ng lane sa kanan para lang makatagpos. 'Yun, traffic na. Kasi atat ka e. Hindi lang din sa U-turn slots nangyayari ito, pati sa mga intersection. Batikan sa gawaing ito ang mga Taxi at Jeepney, pati narin ang mga drayber ng mga pa-importanteng pulitiko at negosyante. Porke ba't Land Cruiser o Safari 'yung sasakyan n'yo e kayo dapat ang mauna?

fig.7 God

7. God.
Narinig naman na natin yung slogan ng Philippine Jeepney diba? "King of the Philippine Road". Kaya ganito din sila umasta. Kasi naghahanap-buhay sila ng marangal, kaya di mo sila pwedeng masita pag nananarantado sila sa kalsada. Ganito yan, yung mga diyos, manggagaling sa kanan ng kalsada, pupunta sa U-turn slot, at tatawid sa kabilang gutter ng kalsada. May kalokohan ang MMDA at mga LGU traffic constables dati na ang tawag ay "illegal swerving", o ang pagtawid ng ilang lane ng mabilisan. Pero 'yung mga diyos hindi nahuhuli sa ganyan, kasi yung pulis sa gilid nanonood lang, nagmemeryenda ng mani pagkatapos malagyan. 'Wag na nating i-deny 'to mga ma'am at ser sa PNP, LGUs at MMDA, nangyayari talaga 'to, at nangyayari talaga 'to sa mga magbestfriend na na enforcer at barker / dispatcher. Sakay kayo ng jeep, minsan may pet name na nga sila sa mga enforcer e, tulad nung babaeng QC-DPOS enforcer sa kanto ng Regalado-Dahlia at Commonwealth Avenue, si Babes.

At one point siguro naging isa tayo sa mga nandyan sa taas. Hindi ako magmamalinis, minsan nagiging defender ako, o kaya minsan unsure, kasi hindi naman lahat ng sirkumstansya sa daan laging ideal. Ang magagawa nalang natin e maging mas-conscious sa ginagawa natin, kasi sa ilang segundong paghinto natin sa U-turn slot, ilang minuto na ng travel time natin, at ng mga sasakyan sa likod natin ang nadadagdag. Di ka ba nagtataka kung bakit akala mo 1 minute ka lang sa U-turn slot pero ilang minuto ka nang na-late sa trabaho?

--

Di ka pa ba nagsasawa sa trapik?
Wag kalimutang i-follow kami sa twitter: http://twitter.com/BakitTrapik
at i-like ang Facebook page: http://facebook.com/bakittrapik
pagusapan natin, dahil kung sama sama tayo sa isang layunin, kakayanin natin!

Kasi Nagse-cellphone Ka.

Let's face it, no matter how strongly we feel against texting while driving, there will be circumstances when it cannot be avoided; that's one of the perks of mobility, see, you can take a phone call on your way to your meeting and know that it has been cancelled before you hit the massive parking lot that is EDSA.

But not all of us are good with multitasking, and at times, those who are proficient in texting while driving fail to uphold safety. Just a few days ago, had a fender-bender with my Boss's parked car on our office's driveway. I was backing up while texting a friend to tell her I was on the way. I was so used to that driveway being free of obstacles other than the gate that I forgot about my boss's car in there. I scratched his car, and that was the first bump I've ever had in my car that was my doing/fault. It was vaguely funny, but a scratch should never be.

So most of us who use our phones while driving are very good at justifying why we do so. "Traffic naman e, hindi naman ako babangga," or "I'm good with multitasking," or "I just really need to get this," or "I rarely do this". In the spirit of safety, we all shouldn't.

Photo lifted from http://www.towtimes.com/

There are some who even do this while driving on a fast street, say Commonwealth Avenue in Quezon City. They think their feet are human cruise controls, and that their cars have automatic lane-guiding abilities, that they leave their cars' controls and focus on text messaging, or being on their phone for something else (nowadays we really can't assume they're texting, because a lot more can be done with mobile phones these days). This usually makes them ride slightly out of the lane, and slower than they should be, and catch my ire.

In traffic jams, texting or using your mobile phone seems to be the best way out of boredom. You pick up your phone and tweet "omg it's so #traffic here at #fairview!", or instagram a photo of the tail lights of the car in front of you, or browse your facebook feed for anything funny. Most of us lose the attention, and when the pack moves, we are left behind, with the driver behind us honking furiously (this usually is me, honking at you) and flashing their lights because screw you, our line is getting left behind.

E paano naman natin iiwasan 'to?

Simple lang. Kung gusto mong magtext, lalo na kung medyo mahaba, tumabi ka muna at mag-hazard. O kaya mag-set ka ng auto-reply messages sa cellphone mo na nagsasabing nagddrive ka, kaya mas late ka makakapagtext. Pwede rin namang 'wag na munang magtext kung hindi naman kailangan talaga. Kung hindi maiintindihan nung katext mo na nagmamaneho ka, hindi rin niya maiintindihan kung bakit 2 ang sagot sa 1+1.

So, should we still do it?

As a "responsible" driver, I'm gonna say no. But I'm pretty sure I'll be doing it once in a while, when necessary, but I'll keep safety in mind of course.

So sa susunod na magtatanong ka kung bakit matrapik, tignan mo yung nasa harap mong sasakyan, baka nagse-cellphone.

--

Di ka pa ba nagsasawa sa trapik?
Wag kalimutang i-follow kami sa twitter: http://twitter.com/BakitTrapik
at i-like ang Facebook page: http://facebook.com/bakittrapik
pagusapan natin, dahil kung sama sama tayo sa isang layunin, kakayanin natin!

So Bakit Nga Ba Trapik?

Sisimulan ko itong blog na ito na ilang buwan ko nang iniisip gawin, pero dahil masyadong busy sa ibang mga speto ng buhay, ay hindi ko manlamang naumpisahan ni katiting.

I've been driving for the past 10 years, and I've been enthused by road networks, motor vehicles, and transportation in general since I was a kid. I used to believe that when I start driving, I will be one of those "responsible" drivers who are just on the background of the flowing traffic, and never so noticeable. I was so wrong. Nobody ever is, because all of us cause traffic at one point in our lives, whether we are inside a vehicle or not.

lifted from carguide.ph

Kaya dito, paguusapan natin kung bakit trapik, at kung paano nating maiiwasan na magkakatrapik. Lahat tayo ay trapik; tayo ang bumubuo ng laman ng trapik araw-araw, tayo ang gumagawa ng dahilan ng trapik, at tayo din ang napeperwisyo dahil sa trapik. Kaya lahat din tayo nagtataka, kung patuloy nating pineperwisyo ang isa't isa, bakit patuloy parin natin itong ginagawa? Bakit may trapik?

--

Di ka pa ba nagsasawa sa trapik?
Wag kalimutang i-follow kami sa twitter: http://twitter.com/BakitTrapik
at i-like ang Facebook page: http://facebook.com/bakittrapik
pagusapan natin, dahil kung sama sama tayo sa isang layunin, kakayanin natin!